eyglo - brennandi - sjóðandi - bullandi

Skrif loksins

2007-06-20T13:51:00.000Z

Ég er á leiðinni til London eldsnemma í fyrramálið! Hitta hana Evu vinkonu. Þetta verður nú stutt ferð, enda kem ég aftur á sunnudagskvöldið... sem fær mig til að spá í afhverju segir maður ekki sunnukvöld í staðinn fyrir sunnudagskvöld. Mánukvöld, þriðjukvöld... o.s.frv. Allavegna.

Aðrar góðar fréttir eru þær að þegar ég kem heim frá London þá eru bara 3 vinnuvikur eftir þar til sumarfríið mitt byrjar. Það verður nú yndislegt að vera í fríi sem mun vara í heilar þrjár vikur!!

Enn aðrar góðar fréttir... já ég get ekki hætt! er að ég og Brandur erum að fara að flytja til Falmouth í byrjun september. Brandur er að fara í skiptinám og ég ætla að fylgja með. Þetta er rosalega fallegur bær í suðvestasta hluta Englands, sviðaður á stærð og Akureyri :)

Nóg að gera hjá Jonný!

Hef nú ekki farið til margra landa...

2007-03-10T15:15:00.000Z

Evrópa er samt öll að koma til!

Stopp í bili...

2006-11-19T22:35:00.000Z

PESTIN MÆTT

2006-10-29T17:49:00.000Z

Auðvitað þurfti ég að ná mér í pestina! Úfff hvað er leiðinlegt að vera veikur - sérstaklega þegar að ástmaðurinn er í útlöndum :( Brandur fór til Parísar í gærmorgun og verður í viku. Þannig að ég og Nóra kúrum bara endalaust uppí rúmi. Sigrún systir var svo góð að fara fyrir mig í Bónus og kaupa fyrir mig mjólk, ávexti og sitthvað fleira - takk aftur Sigrún mín!

Ég var að enda við að horfa á Lost Highway eftir David Lynch - mjög góð mynd og mjög spes - ætli maður þurfi ekki að horfa á hana aftur fljótlega til að skilja hana betur, ekki að þetta sé mynd sem er til þess gerð að skilja... Kannski hann Brandur minn rabbi við mig um myndina þegar hann kemur heim - enda á hann dvd eintakið ;) Annars er ég að spá í að kúpla mig út úr heilmiklum heilabrotum og setja Notting Hill í tækið - hún er nú frekar auðveld haha

Svo voru þau Tulla og Jónas að eignast frumburðinn sinn! Heilbrigður og myndarlegur drengur kom í heiminn þann 26.10.2006 (flott dagseting!) - Innilega til hamingju með það kæru vinir!! Hlakka nú pínu til að fá að heimsækja litlu fjölskylduna, en það verður nú ekki gert fyrr en ég er orðin 150% góð :)

Fréttir af Glóu

2006-10-09T16:52:00.000Z

Þá er október bara kominn á ágætis skrið. Búin að fastráða mig hjá Landsbankanum þannig að maður hangir þar víst eitthvað lengur ;)

Berlínarferð mín, Sigrúnar og Siggu er eftir 4 daga! Kominn smá tilhlökkun. Brottför er semsagt 13.okt kl. 15:20 þannig það verður sko öllari á vellinum. Svo komum við heim um kl. 23 mánudaginn 16.okt. Úfff ég þarf að verlsa svoooo mikið - vona að ég tapi mér ekki híhí

Alda, Siggi og litla sæt eru síðan flutt til Stykkishólms :( ekkert voða gaman að hafa þau svona langt í burtu, en vonandi fæ ég að fljóta með Sigrúnu sys eða mömmu og pabba þegar þau heimsækja þau.

Svo var æskuvinkona mín hún Bylgja að flytja til Frakklands... náði nú ekki að kveðja hana eins og ég vildi... er frekar leið yfir því. Er að spá í að leggjast í gamaldags póstfíling og senda henni bréf - um leið og ég næli mér í heimilisfangið!

Myndir komnar!

2006-09-30T11:59:00.000Z

Þá eru komnar myndir af Litlu sæt: http://www.barnanet.is/sigurdardottir/?sida=forsida

Alda mín orðin mamma - jahérna hér ;)
Og Siggi orðinn pabbi :)

Dúllukrútt Sigurðardóttir
Æ hvað maður er lítill

...og svo að sjálfsögðu ég og Brandur með litlu skvís :þ

Litla sæt komin í heiminn!

2006-09-28T14:12:00.000Z

Alda systir eignaðist litla stúlku í morgun :)

Fæðingardagurinn 28.09.´06 - Ohh ég er svooo stolt frænka!

Litla sæt er 12 merkur og 48 cm, er með spékoppa og dökkann hárlubba.

Innilega til hamingju elsku Alda og Siggi!

Haustið að koma

2006-09-18T17:47:00.000Z

Jæja kominn tími á smá blogg. Er stödd í vinnunni eins og er - ekki alveg að nenna því, enda mánudagur... Er samt á leiðinni í bíó með Brandi eftir vinnu, þannig það heldur í mér stemningunni ;) Ætlum á mynd sem heitir Enron og er hún á IFF 2006 kvikmyndahátíðinni.
Fyrir áhugasama:

ENRON: THE SMARTEST GUYS IN THE ROOM

Mögnuð heimildarmynd um stærsta hneyksli Bandarískrar viðskiptasögu. Litið er á málið frá ölum hliðum en yfirstjórnendur Enron tóku með sér um billjón dollara og skildu fjárfesta og starfsmenn eftir tómhenta, um það leyti er fyrirtækið var 7. stærsta fyrirtæki Bandaríkjanna. Talað er við innherja úr innsta hring og einstakar mynd- og hljóðupptökur frá fyrirtækinu sjálfu og starfsfólki þess sýna vel að stóru draumarnir og ótakmarkað sjálfstraustið sem einkenndi þann kúltúr sem Enron hreykti sér af, var í raun ekkert annað en algjör klikkun og siðleysi. Myndin var tilnefnd til Óskarsverðlauna sem besta heimildarmyndin.http://www.imdb.com/title/tt0413845/

http://www.enronmovie.com/

Portúgal var snilld! Mikið borðað og drukkið og slappað af :) Þetta var alveg yndisleg ferð!!!!
Svo er maður bara að fara aftur til útlanda..... obbobbobb.... er að fara þann 13.október til Berlínar með Sigrúnu Ósk og Siggu :) Þetta verður nett helgarferð sem fer að öllum líkindum bara í verslun og djamm híhí. Ætlum að gista hjá systur Sigrúnar, henni Helgu, ekki amalegt að fá fría gistingu. Komum svo aftur heim þann 16.október.

Já svo eru bara 13 dagar í áætlaðan fæðingardag litlu sætar hennar Öldu og Sigga - ótrúlegt alveg hreint!!!

Svo er um að gera að svara spurningalistanum - og þá veit ég hverjir þekkja mig nógu vel ;)

http://www03.quizyourfriends.com/takequiz.php?quizname=060918133432-901338

Sigrún og myndin

2006-08-23T20:08:00.000Z

Portúgal

2006-08-21T20:30:00.000Z

Ég verð stödd á þessari strönd eftir 15 daga!!!! Swweeeeeeeet :)

Til hamingju með afmælið Sigrún! :)

2006-08-18T08:23:00.000Z

Þá er ég búin með mánaðarkaupið... held það hafi aldrei gerst jafn snemma í mánuði og núna! Var nefnilega bæði að kaupa utanlandsferð og svo skólakort Strætó líka. Þetta nýja skólakort er svaka sniðugt, því það gildir líka á alla sundstaði borgarinnar :) Þannig nú verður maður að fara oftar í sund ;)

Dagurinn í dag er líka óvenju góður dagur, því að vinkona mín hún Sigrún Ósk er 26 ára í dag! Til hamingju með daginn sæta mín! :) Vonandi verður þetta skemmtilegur afmælisdagur hjá þér og svo verður sko partýtime á morgun! - Hlakka ekkert smá til!

Hreyfing gerir mann að gulli

2006-08-10T20:51:00.000Z

Þá er ég búin að splæsa í árskort í Spa&Fitness, eða Baðhúsinu eins og mér finnst betra að orða það. Það eru minna en 500 skref frá útidyrahurðinni og í Baðhúsið - gæti varla verið betra, sérstaklega þar sem að maður er bíllaus :) Þannig nú þýðir ekkert annað en að koma sér í form!!
Kv. Eygló formlausa

Hej

2006-08-01T19:59:00.000Z

Þá er ágúst genginn í garð og sólin tekur heldur betur vel á móti honum! Ekki að ég hafi fengið að njóta dagsins, heldur er ég að vinna frá 11 - 21... ekki svo gaman. EN ég verð forrík hahaha ;) nei nei segi svona. Það er svo mikið af fólki í sumarfríi að menn þurfa að fórna sér smá. Bossinn er líka búinn að dekra við starfsfólkið í dag, búin að fá pizzu, kók og ís :þ enda svakalega mikið að gera!

Ég geri nú ekki neitt um Verslunarmannahelgina, verð að vinna á laugardaginn, en fæ náttlega frí á mánudaginn :) Þannig fullt af rólegheitum bara. Svo langar mig rooosalega að fara til sólarlanda í viku með ástmanni - vonandi rætist úr því :)

En ég bið bara að heilsa í bili, luuuuv Johnson

Sigrún systir afmæli

2006-07-15T19:55:00.000Z

Það er merkisdagur í dag, því að Sigrún systir mín er 30 ára!

Innilega til hamingju með daginn dúllus minn :)

Hérna sést sæta systir mín.

Er að fara í afmæli til hennar í kvöld - hlakka mikið til að gæða mér á góðmeti og hitta alla :) Við systkyni hennar (og makar að sjálfsögðu ;) gáfum henni svaka fína gjöf: Línuskauta, hlífar (svo hún meiði sig nú ekki þegar hún dettur), andlits- og augnkrem, eyrnalokka og nýjasta Trivial persuit spilið! Það hlýtur svo að vera spilakvöld bráðum :þ

Sól sól skín á mig

2006-06-22T09:02:00.000Z

Já mikið var að sólin lét sjá sig! Var farin að sakna hennar ógurlega ;)
Í dag er fimmtudagur - ótrúlegt hvað vikurnar fljúga áfram! Helgin bara mætt á morgun - vííííí Reyndar þarf ég að vinna á laugardaginn frá 11 - 16, en það er allt í lagi, kvöldið verður svo skemmtilegt :) Á laugardaginn er Sigrún systir að útskrifast sem Master í viðskiptafræði. Já það er ekki slæmt að vera orðin master 29 ára og tveggja barna móðir! Það verður alla vegna smá kökuveisla eftir athöfnina og aðsjálfsögðu mæti ég þangað :) Síðan er Sigrún Ósk vinkona líka að útskrifast sama dag, en hún er að útskrifast sem félagsráðgjafi. Þannig það verður "nett" partý hjá henni ;)

En er að vinna - þannig ég hef ekki tíma í svona skrif

L8ters

Til hamingju mamma!

2006-06-14T14:36:00.000Z

Elsku mamma mín, til hamingju með afmælið!

Þú ert besta mamma í heimi! Hlakka til að knúsa þig á eftir :)

Lördag

2006-06-10T08:25:00.000Z

Þá er helgin komin, enn og aftur. Ótrúlegt hvað vikurnar fljúga áfram! Kvennahlaupið á eftir, fer með mömmu, systrum, frænkum og ömmu - as usual ;) Hlakka bara til að hitta allar gellurnar, hitti þær svo sjaldan eitthvað núorðið...

Svo er hún María vinkona búin að blása til fagnaðar í kvöld, tvöfaldur fagnaður því hún er nýbúin að eiga afmæli og nýútskrifuð með meirapróf í flugumferðarstjórunun (eða hvað svo sem það kallast) ;) Til hamingju með daginn María mín!

Er að fara í klippingu þann 15.júní, alveg kominn tími á það!

En meira djúsí verður það ekki Vala mín... greinilega ekki mikið djúsí að gerast hjá mér þessa dagana. En um leið og e-ð gerist þá birti ég það með stórum stöfum :)

Góða helgi!

Sigrún Master

2006-05-29T19:37:00.000Z

Sigrún systir var að verja lokaverkefnið sitt í Masternum í dag! Henni gekk víst voða vel og að sjálfsögðu endalaust ánægð að vera búin :)

Til hamingju elsku Sigrún mín, ég er rosalega stolt af þér!

Loksins!

2006-05-20T13:44:00.000Z

Já loksins loksins er ég búin með The Da Vinci Code bókina! Ég byrjaði á henni í júní 2004 og lauk henni í dag - fyrir hálftíma. Reyndar er ég búin að lesa fyrri hlutann tvisvar sinnum, enda las ég bara fyrri hlutann sumarið 2004 og var búin að gleyma öllu. En það mátti ekki tæpara standa, því ég á boðsmiða á myndina á morgun í hádeginu - og vildi fyrir alla muni lesa bókina fyrst. Er líka búin að heyra slæmar sögur af myndinni - sem á víst ekki að vera uppá marga fiska, en maður verður samt að sjá hana er það ekki ;)

Svo er það bara næsta bók! Spurning hvaða bók verður fyrir valinu... annað hvort ævisaga Audrey Hepburn, sem ástmaður minn gaf mér eða Draumalandið eftir Andra Snæ.

Svo er það komið í ljós að Alda sys mun eignast lítið stúlkubarn í október - hlakka mikið til að sjá hana :) Og síðast en ekki síst er Sigrún sys og family að flytja heim þann 26.maí - for good!! Já loksins! :) Þá verður nú mikil gleði.

Já það eru góðir tímar framundan!

2006-04-24T20:46:00.000Z

Hæ hæ

Þá er maður bara kominn heim eftir stórskemmtilega borgarferð :) Byrjuð að vinna hjá Landsbankanum og líkar bara mjög vel - auðvitað svoldið erfitt að þekkja engann og vera að læra á allt, en ég held að ég eigi eftir að fíla mig vel þarna. Sit meira að segja við hliðina á konu sem heitir Eygló - ég hafði ekki einu sinni talað við neina sem heitir Eygló nema að hún sé skild mér hihi.

En ég er búin að eiga afmæli (takk fyrir kveðjurnar :) og Alda systir átti afmæli 18.apríl og svo á hún Stella Thors afmæli í dag. Til hamingju með daginn Stella mín (hún er staðsett í London núna, örugglega að versla eins og andskotinn ;) Við erum svoddan páskaungar ég, Alda og Stella - afmælin okkar eru oftast í kringum páskana :þ

Annars hef ég ekki mikið að segja - þannig bara bless í bili

Amsterdam - Brussel - París here I come

2006-04-10T22:35:00.000Z

Þá er ég bara á leiðinni til útlanda í fyrramálið :) Þannig nú kemur smá pása hérna á glóuling... Ég segi því ,,Gleðilega páska alle sammen"!!

Svo á ég afmæli 17.apríl - þannig að ég býst við að commenta kerfið mitt hrynji á þeim stórgóða degi ;)

Bæ bæ

4 dagar í brottför!!

2006-04-07T13:00:00.000Z

Við Brandur fljúgum til Amsterdam 11.apríl, tökum rútu þaðan til Brussel og gistum þar í 2 nætur. Síðan er ferðinni heitið til Parísar og verðum við þar í 5 daga. Svo förum við í lest aftur til Amsterdam þann 18.apríl og verðum þar til 20.apríl - en þá fljúgum við heim :) Þetta verður sko ævintýri - hlakka þvílíkt til!

Hvað sem því líður - þá er komið að fróðleiksmola dagsins. Í tilefni þess að ég er að fara til Hollands, Belgíu og Frakklands - þá verður fróðleikur um þeirra fána .

Hollenski fáninn er einn af lykilfánum mannkynssögunnar og varð hann til um 1600.

Appelsínuguli liturinn var sérstaklega óstöðugur og vildi roðna eftir nokkurn tíma og því var rauður gerður að opinberum lit á miðri 17.öld. Þetta hafði áhrif á gerð þrílita fánans á Rússlandi. Pétur mikli Rúsakeisari hafði miklar mætur á Hollendingum og tók upp tilbrigði við fána þeirra handa Rússum.

Hollenski fáninn var þó ekki staðfestur með konunglegum úrskurði fyrr en 19.febrúar 1937.

Belgíski fáninn var tekinn í notkun 23.janúar 1831.

Svart, gult og rautt hafa verið litir Belgíu frá því fyrir sjálfstæði. Fyrsti fáninn í þessum litum var þverbekkjafáni (líkt og sá hollenski) en breytt var yfir í standbekki að fengnu sjálfstæði 1831 til að líkja eftir franska þrílita fánanum, tákni frelsis og byltingar.

Franski fáninn var tekinn í notkun 15.febrúar 1794. Þríliti fáninn var dreginn að hún í byltingunni og hefur síðan orðið frelsistákn um allan heim.

Trúlega má rekja litina til lita Parísar þótt þeir séu yfirleitt tengdir frelsi, jafnrétti og bræðralagi. Vegna þess að Frakkland á sér ekkert skjaldamerki er þríliti fáninn jafnframt merki þjóðarinnar.

Fróðleiksmolar

2006-04-06T11:19:00.000Z

Hitti vinkonur mínar um daginn, eftir áralangan undirbúning ;) og sú hugmynd kom upp að setja inn fróðleiksmola hérna á glóuling! Þetta var held ég bara grín - en ákvað samt að láta þetta gerast ;) Enda ekki þekkt fyrir annað en að taka gríni alvarlega... haha

Málið er að ég keypti mér vasahandbók um fána heimsins þegar ég var í Borgarfræðinni - enda vildi ég ekkert vera algjör vitleysingur við hliðina á blessuðu ferðamálafræðinemunum ;) og að sjálfsögðu vil ég deila þeirri visku með ykkur!

Auðvitað byrjar maður á Íslandi!

Fyrsti þjóðfáninn var tekinn í notkun 1897. Þá var fáninn blár í grunninn með hvítann kross. En fáninn þótti of líkur gríska fánanum og því var rauðum krossi bætt við ofan á þann hvíta - það gerðist þann 19. júní 1915.

Fánalitirnir táknuðu upphaflega fjallablámann, ís og eld, en nú orðið er sá skilningur að blái liturinn tákni hafið.

Ísland bezt í heimi!

Landsbankaskvísa

2006-04-03T22:31:00.000Z

Hvað haldiði! Ég er bara komin með vinnu í Landsbankanum! Yndislegt að vera ekki lengur með áhyggjur af atvinnumálum :) Nú er ég í fríi á Íslandi þangað til ég og ástmaður minn förum til Amsterdam, Brussel og Parísar 11. - 20. apríl, svo kem ég heim og byrja að vinna þann 21.apríl :) Starfsheitið mitt verður sem sagt þjónustufulltrúi, og verð ég staðsett í Austurstrætinu - ég hlakka bara mikið til að byrja að vinna! En hlakka þó fyrst til að fara í Evrópureisuna :þ Á meira að segja afmæli 17.apríl og þá verðum við í París... ekki slæmt ;)

Bæjó

Afmælisdagur kaupmannsins

2006-04-01T19:35:00.000Z

Ástmaður minn á afmæli í dag!

Brandur er 24 ára í dag - Til hamingju ástin mín*

Alltaf að blogga bara...

2006-03-23T23:41:00.000Z

Halló halló

Ég eignaðist nýjan frænda 21.mars síðasta, hann rétt náði að komast í klúbb hinna mögnuðu hrúta! Til hamingju með það sæti frændi :) En sá dáðadrengur mun vera sonur Rakelar frænku og Gunnars eiginmanns hennar... hann er víst kallaður Hemmi Gunn svona til að byrja með ;) Hamingju óskir til þeirra!! :)

Svo er ég bara hætt í skólanum og að leita að vinnu! Já svona er lífið - maður gerir bara eitthvað ;) En ég var einmitt í atvinnuviðtali í dag - var "smá" stressuð, var örugglega eins og rautt epli í framan - en held að þetta hafi samt gengið ágætlega. Nú er bara að bíða og vona! Er þvílíkt sátt við að komast í viðtal því að það sóttu um 70 manns um og 5 boðnir í viðtal til að byrja með - ekki slæmt hjá minni ;)

Á morgun er svo árshátíð. Fer með ástmanni mínum og hans skóla, búin að fá lánaðan kjól og hálsmen hjá Öldu sys (takk knúsí, hann smell passar - má samt ekki borða mikið um kvöldið hehe)

Bless í bili!

Fréttir frá Glóuling

2006-03-20T13:24:00.000Z

Jæja, þá má loksins opinbera það að hún Alda systir mín er ófrísk! Já ótrúlegt, en satt, þá verður hún næstum því jafngamla systir mín, móðir í byrjun október :) Málið er bara að mér finnst við báðar ennþá bara vera svona 17 og 18 ára - en verð víst að sætta mig við það að við erum orðnar hálffullorðnar 26 og 27 ára í apríl ;) En mikið ósköp hlakkar mig samt til þegar krílið kemur í heiminn vííííí! Veit að Sigrún systir er líka voða happý að fá loksins frændsystkin og hún hætt að vera sú eina sem sér um fjölgunina í okkar blessuðu fjölskyldu :)

Frá mér er annars voða lítið að frétta - er að leita að vinnu en ekkert komið í ljós ennþá. Þannig maður bara tekur til og fer í gegnum dótið sitt (löngu tímabært) á meðan ;) Fékk einnig saumavélina hennar mömmu lánaða og er búin að vera á fullu að laga göt, þrengja og falda! Er líka að fara að baka brauð núna á eftir, fullt sem maður getur gert þegar maður hefur ekkert að gera hehe

Þar til síðar!

Eyrún Alda 5 ára

2006-03-05T16:44:00.000Z

Eyrún Alda litla frænka mín er 5 ára í dag. Til hamingju með daginn ástarhnoðrinn minn!Vonandi áttu nú yndislegan dag og færð gott að borða og fullt af pökkum! :)

KossaKnús og saknaðarkveðjur*

Góða helgi

2006-03-03T13:10:00.000Z

Nóra Guðbrandsdóttir er svakalegasti köttur sem ég veit um. Sjáiði hvað hún er falleg! Þarna er hún í vinnunni, á sínum vanalega stað í gluggakistunni heima, oftast að kurra á fugla ;)

2006-02-27T21:28:00.000Z

Hver segir að við getum ekki pissað standandi...?

Speki dagsins

2006-02-22T10:49:00.000Z

Watermellonwoman

2006-02-19T13:08:00.000Z

Frekar creepy....en samt vel gert ;)

Lúða

2006-02-12T14:27:00.000Z

Er að gera verkefni um Lúðuveiði... er að reyna að sannfæra mig um það að það tengist borgarfræðinni. En svona er það, maður þarf víst að fara "back to basics" til að skilja nútímann.

Er nú líka að gera svona meira normal verkefni sem felst í því að vera með þessari setningu: Er heppilegt að 60% þjóðarinnar búi á höfuðborgarsvæðinu? Sem sagt nóg að gera hjá minni.

Hello

2006-01-26T16:44:00.000Z

Nú er handboltaveisla í Sjónvarpinu, sit upp í sófa og er að fara að horfa á Ísland - Serbía Svartfjallaland. Vonandi að þeir vinni leikinn strákarnir! En auðvitað er bara frábært að við séum með lið á annað borð - því við Íslendingar erum nú ekki nema 300.000!

Vil óska Valsstelpunum til hamingju með magnaðann sigur á móti Haukum í gær! Velkomnar á topp deildarinnar, nú er bara að halda því!

Svo vantar mig vinnu! Sumarstarf eða tímabundið starf frá miðjum maí til lok árs 2006! Langar samt mest í vinnu á sölu- og markaðsdeild og hana verður ekki auðvelt að finna. En maður reynir - þýðir ekkert annað ;) By the way, látið mig endilega vita ef þið vitið um lausa stöðu einhversstaðar.

Bless 2005

2005-12-31T16:28:00.000Z

Þá er bara árið 2005 alveg að verða búið... er búin að lakka neglurnar á vinstri hönd - fyrir utan það á ég eftir að gera allt fyrir kvöldið. Fór aðeins í Espigerði í dag og hjálpaði mömmu að útbúa kalkúninn - fyrsta skipti sem ég hef saumað í dautt dýr, ekki eins ógeðslegt og ég hélt. Hlakka rosa til að borða í kvöld mmmm :þ Svo er planið að kíkja í partý eftir miðnætti.

En ég segi bara: Gleðilegt ár og takk fyrir allt liðið!

Búin í prófum!

2005-12-17T19:24:00.000Z

Jæja þá er maður búinn í prófum! Held að ástæðan fyrir að fólk fer í skóla sé bara til að fá þessa tilfinningu þegar að prófin eru búin ;) Ég var að enda við að taka til - enda alveg mikil ástæða til að gera það. Enginn svakalega dugnaður í heimilisstörfunum þegar prófatörnin er.
Svo er bara tjútt í kvöld - ekki svo slæmt!
L8ter

2005-12-11T12:41:00.000Z

Jæja eitt blogg fyrir Evu ;)

Ég er á fullu í próflestri núna... fer í þrjú próf á fjórum dögum - sem er náttlega ekki mannbjóðandi! En góða við það er að ég er þá búin í prófum 16. des í staðinn fyrir 21.des eins og sumir. Ég fer í Borgarfræðipróf 13.des, Almenna félagsfræði 15.des og svo Afbrotafræðipróf 16.des. Reyndar þarf ég svo að skila ritgerð þann 19.des, en ég er nú vel komin af stað í henni - þannig það ætti að reddast :)

Fór á tónleika í gær með Antony and the Johnsons - í annað sinn sem ég sé þá hér á landi :) Mjög flottir tónleikar - en maður sá eiginlega ekki neitt og sætin voru hræðilega óþægileg. Tónleikarnir voru í Fríkirkjunni en hefðu frekar mátt vera í Háskólabíó! Við keyptum okkur 2 vínyl plötur með Antony and the Johnsons, ein af nýjasta disknum og svo ein 3 laga plata. Saman kostaði þetta 2.000 kr og ekki til í plötubúðum hérna, þannig þetta var góður díll ;)

Svo kemur Alda sys og Siggi ástmaður hennar til Íslands þann 20.des - verður nú gaman að stússast með henni Öldu minni fyrir jólin :) Annars eru bara 13 dagar til jóla - ótrúlegt hvað tíminn flýgur! En jæja ég ætla að halda áfram að lesa... ekki veitir af ;)

Jólahúmordagsins er í boði afbrotafræðinnar

Langt síðan síðast!

2005-11-15T20:49:00.000Z

Mmmm hef það voða gott núna, sit heima með mars-ís og kaffibolla. Og það sem meira er að þá var fengið sér kvöldverð á Red Chilli. Gerist varla betra ;) Fengum okkur bara labbitúr í frostinu, því að við erum ekki lengur með bíl... já nú er bara labbað eða tekinn Strætó! Er meira að segja komin með Græna kortið. Ég verð nú að hrósa Strætó, því að ég hefði aldrei trúað að það væri svona auðvelt að taka strætó hvert sem er! Reyndar munar rosalega miklu að eiga heima svona nálægt Hlemmi, félagsmiðstöð strætóanna :)

Ég fékk mína fyrstu einkunn fyrir verkefni í Háskóla Íslands í dag. Og haldiði að ég hafi ekki bara fengið 10, fullkomið! Reyndar var verkefnið ekki mjög týpískt, en maður átti að ganga um heimahverfi og lesa í borgarlandslagið. Gefa síðan lifandi og læsilega lýsingu á hverfinu. Þetta var svakalega skemmtilegt verkefni, alveg að fíla að þurfa ekkert að spá í heimildum og skrifa bara út frá hjartanu :)

Svo á ég eftir að klára 2 ritgerðir fyrir 25.nóvember og 1 verkefni fyrir 2.desember... þannig það er nú ekki mikill tími til aflögu. Síðan er heimapróf hjá mér 2.-5. des og lokaprófin eru 13., 15. og 16.desember. Fullt að gera!

Ekki nóg með að það sé fullt að gerast í skólanum, þá er líka lífið á fullu. Sigrún systir og stelpurnar hennar eru að flytja til Bristol þann 25.nóv, verður nú skrítið þegar þær fara.

Við förum á tvo tónleika, þann 27.nóv er SigurRós og þann 10.des er Antony and the Johnsons tónleikar. En Alda amma á líka 75 ára afmæli þann 10.des - vonandi að ég nái að kíkja til hennar líka :)

En jæja, ætla nú að reyna að gera e-ð af viti áður en að heimildarmyndin um Skuggabörnin byrja. En það er ný íslensk heimildamynd þar sem fylgst er með rithöfundinum Reyni Traustasyni sem undanfarin tvö ár hefur rannsakað undirheima Reykjavíkur og fylgst með fólki sem hefur flækst í net eiturlyfja og glæpa. Magnað!

Bless í bili

Komin heim frá Búdapest

2005-10-31T14:37:00.000Z

Halló halló
Við komum heim frá Búdapest á fimmtudaginn síðasta. Borgin er alveg mögnuð! Þvílíkt flott hús, Dóná er rosaleg og allar brýrnar yfir hana (misflottar samt). Við settum örugglega göngumet, því ég hef aldrei á ævinni labbað jafn mikið á 6 dögum. Samt var eins og maður hafi ekki séð nógu mikið... en maður fer bara aftur einhverntíma seinna ;) Allur matur og drykkir voru svakalega ódýrir, enda flest allar máltíðir voru undir 1.500 kr fyrir okkur saman. Vorum samt ekki að borða á ódýrustu stöðunum ;) Það eina sem var neikvætt við þessa ferð var að ég fékk matareitrun :( Já nú hef ég prófað það - og þvílíkur hryllingur. Hef aldrei á ævinni liðið jafn illa, enda var ég veik í viku :( Þannig auðvitað setti þetta strik í ferðina, en við reyndum bara að gera það besta úr þessu. Ég gat pínt mig áfram til að labba um og versla smá, en lítið um fínan mat og drykki og allt sem því fylgir :( En ég meina við eigum inni fleiri utanlandsferðir :Þ
EN núna ætla ég að fagna að ég sé ekki lengur sjúklingur - heldur á batavegi :) Sem þýðir að ég ætli að leggja mig ;)
L8ter

3 dagar

2005-10-17T16:50:00.000Z

Vá hvað ég er fegin núna, var að enda við að klára heimaprófið mitt í Borgarlandafræði. Veit nú ekki alveg hvernig mér gékk... en ég held ég nái nú alveg ;) Hef aldrei farið í heimapróf, þannig ég er ekki alveg að grípa þetta. En kemur bara í ljós!
Svo erum við Brandur að fara til BÚDAPEST eftir 3 daga!!! Get eiginlega ekki lýst því með orðum hvað ég hlakka til ;) Ætla nú samt að reyna að vera dugleg að læra þangað til að ég fer - bara til að friða samviskuna.
L8ter

Áfram Yellow Bike

2005-10-11T22:49:00.000Z

Alda sys var að hringja í mig rétt áðan :) Rosa gaman að heyra í henni - enda ekki heyrt röddina hennar síðan 11. september :( Hérna eru myndir af henni í nýja búningnum - en liðið hennar var að fá nýjan styrktaraðila - Yellow Bike, og því heitir liðið hennar núna Yellow Bike Den Helder :)

Alda er þarna hægra megin við jakkafata manninn, hún er númer 10

Þarna er hún líka, sjöunda frá vinstri - langflottust ;)

10 dagar

2005-10-10T21:52:00.000Z

Jæja þá er Stórholtið aftur orðið barnlaust... Það gekk rosa vel að passa Kolbrúnu, hún var dugleg litla stelpan :) Við gerðum margt skemmtilegt, fórum meðal annars á róló, í Perluna, í labbitúr, í Kringluna, í sund, og út að borða ;) Held að henni Kolbrúnu hafi fundist lang skemmtilegast í sundi - og reyndar mér líka hihi Við fórum bara tvær í Sundhöllina og það var þvílíkt stuð hjá okkur. Svo fórum við út að borða strax eftir sundið, Brandur kom og náði í okkur. Svo var stelpan orðin svakalega sybbin þegar við komum heim, enda svaf hún til 9:30 daginn eftir hehe (Ekki var það nú slæmt ;)) En við Brandur komumst samt að því að svona pössunartörn er þvílík getnaðarvörn ;) Hey þetta rímar!

Svo buðu mamma og pabbi okkur í þvílíkan mat á sunnudagskvöldið, þegar við skiluðum Kolbrúnu. Fengum nautasteik, bakaðar kartöflur og berniesósu (kann ekki alveg að skrifa það...) Svo var ís, perur, rjómi og súkkulaðisósa í eftir rétt :þ rosalegt alveg hreint! Takk aftur fyrir okkur! Ég frétti svo að Sigrún og Leifur hafi haft það rosa gott og kósí tvö saman í Englandi... enda ekki oft sem þau eru svona ein.

Svo fékk ég próftöfluna í dag. Ég fer í 3 lokapróf - 13. , 15. og 16.desember. Svolítið þétt prógram, en æðislegt að vera komin í jólafrí föstudaginn 16.desember :)

Núna er ég að fara að halda áfram að lesa í Urban Geography... það er nebblega heimapróf næstu helgi. Hef aldrei farið í heimapróf áður - en ég vona að það reddist nú.

L8ter (p.s. 10 dagar í Búdapest :))

Smá fréttir

2005-10-04T18:46:00.000Z

Haldiði að ég og ástmaður minn séum ekki bara á leiðinni til Búdapest þann 20.október :) Vorum að panta og borga farið í hádeginu. Við ætlum að vera í heila viku og komum því heim 27.október. Reyndar er þetta á sama tíma og Iceland Airwaves, sem við vorum búin að ákveða að fara á... en nú fer bara sá peningur upp í ferðina í staðinn ;) Mmmm get ekki beðið eftir að kúra á hótelherberginu, fara í göngutúr og skoða magnaða borg, versla, drekka öl og borða dýrindis mat! Svo er víst einhver hausthátíð í Búdapest 21. - 31. október, ákkúrat þegar við verðum þar, þannig það verður endalaust hægt að gera og skoða :)

Svo erum við að fara að passa Kolbrúnu Ósk litlu frænku frá fimmtudeginum 6.okt. til sunnudagsins 9. okt. Hún ætlar að gista hjá okkur meðan að Sigrún sys fer til Bristol að skoða aðstæður.

En jæja, er að fara að læra...

Hver skapaði þetta klukk?

2005-09-27T11:09:00.000Z

Ég gleymdi víst að ég átti að klukka 5 aðra,þegar að ég væri búin að tjá mig... (magnaður leikur...) en anywho, ég ætla að klukka Öldu, Sigurjón, Berglindi, Aldísi frænku og Lafðina svo hún bloggi nú kannski einu sinni á ári ;)
Well eins gott að þið standist klukkið, því það boðar gæfu að svara öllum fimm :)

2005-09-25T22:45:00.000Z

Jæja hún Stella "klukkaði" mig víst um daginn, þannig best að ljúka þessu af ;)

Með því að láta klukka mig þá varð ég að skrifa 5 atriði sem að þið vissuð ekki um mig :

Ég keypti mér litla vasahandbók um fána heimsins í dag. Þar sem ég er í borgarfræði verð ég að vita eitthvað um heiminn.
Ég er búin að borða 2 stórar máltíðir í dag - ekki nógu gott, ætti að borða 6 litlar!
Ég fraus næstum því í dag þegar ég fór í gönguferð í bæinn að teikna 4 skyssur sem ég á að skila til kennarans.
Langar í ís núna....
Fer á Antony and The Johnsons tónleikana 10.desember með ástmanni mínum. Get ekki beðið! :)

Long time no...

2005-09-15T01:54:00.000Z

Halló halló

Nú er margt búið að gerast síðan ég skrifaði síðast. Ég er búin að skipta um grein í skólanum, reyndar skipti ég meira að segja um deild og allt... En ég ákvað að hætta við að fara í masterinn í Alþjóðaviðskiptum og markaðsfræði. Var ekki alveg að missa mig í áhuga, þannig ég ætla að salta það í bili ;) En ég ákvað í staðinn að fara í Borgarfræði, en það er 30 eininga aukagrein í Félagsvísindadeild HÍ. Mér líst rosalega vel á þetta og er einmitt núna að skrifa verkefni um Charleston í Suður Karolínu :þ Þessa önn fer ég í Borgarfræði, Borgarlandafræði, Almenna félagsfræði og Afbrotafræði.

Svo er Alda sys og Siggi farin til Hollands... skrítið að hafa ekki Öldu hérna, enda erum við búnar að vera rosa mikið saman síðustu 25 ár híhí Ætli maður reyni ekki að kíkja í heimsókn til hennar, ef tími og peningar leyfa :)

Svo gleymdi ég gjörsamlega að skrifa hérna á bloggið þann 11.september, en þá átti Óskar bróðir 30 ára afmæli. En til hamingju með daginn samt brósi minn!

Á morgun eru svo gestir að koma í Stórholtið, vinur Brands og kærasta hans ætla að vera hjá okkur í 9 daga. Þannig það verður nóg að gerast hjá manni næstu daga :) Við erum búin að taka fullt til í íbúðinni og breyta slatta. Keyptum meira að segja svaka grúví sófasett í Góða Hirðinum í dag, þannig nú er hægt að bjóða fullt af fólki sæti :)

L8ter

Bylgja 25 ára

2005-08-26T08:49:00.000Z

Mín elsta og besta vinkona á afmæli í dag :) Við erum búnar að vera vinkonur síðan í 7 ára bekk, með smá pásu þó... en þá vorum við bara ráðvilltir ungir stelpukjánar ;)

Til hamingju með daginn elsku Bylgja mín!

Svo heldur þetta yndæla stúlkubarn partý í kvöld - í tilefni þessa merkilega dags. Þá verður skálað! :þ

2005-08-24T15:12:00.000Z

Halló Heimur

Nú á ég einungis eftir að mæta 5 sinnum í vinnuna, svo tekur skólinn við þann 1.september. Ég virkilega get ekki beðið eftir að hætta þessu 8-16 stússi og fengið aðeins að ráða mínum eigins tíma! Enda er ég búin að vinna síðan seinni hluta desember á síðasta ári... úfff. Stundataflan mín lítur bara ágætlega út, þá að þetta séu bara drög. En vonandi breytist hún ekki mikið.

Bless í bili!

kv.Johnson

Sigrún Ósk 25 ára!

2005-08-18T13:41:00.000Z

Sigrún Ósk Björgvinsdóttir "Lafðin" góðvinkona mín á afmæli í dag! Hún er 25 ára og erum við því aftur orðnar jafngamlar ;) Til hamingju með daginn Sigrún mín, við sjáumst á eftir!

2005-08-09T15:00:00.000Z

Jæja, hvað er að frétta? Það er kominn 9.ágúst og sumarið bara bráðum að enda! Byrja í skólanum eftir rúmar 3 vikur... var að lesa í dv í dag að það væri ekki hagstætt að læra markaðsfræði nú á dögum. En ég meina, það getur ekki skaðað mann að læra, hvað svo sem maður lærir... er það nokkuð? Ekki að ég taki heldur of mikið mark á DV ;) Svo get ég líka bara sagt að ég sé að fara læra alþjóða viðskiptafræði (því að námið mitt heitir því langa nafni Markaðsfræði og alþjóðaviðskipti)

Úfff svo var Hrefnupiparsteik í hádegismat í dag... og get ekki sagt að það hafi verið gott :S Gat varla tuggið helvítið! Skrapp annars í hádeginu í Bónus og fjárfesti í þessu líka yndislega vöfflujárni mmm hlakka bara til þegar Brandur kemur með heitar vöfflur og kaffi í rúmið til mín hahahaha :þ

Svo er líka stórmerkilegt að gerast á eftir! Ég er að fara á mína fyrstu körfuboltaæfingu með ÍS gellunum :D Það ætti nú að verða skrautlegt hehe, Alda ætlar að lána (gefa ;) mér körfuboltaskó, því að ekki get ég nú mætt í handboltagallanum... þó að það yrði svakalega fyndið.

Mmmm svo ætlum við Brandos að elda okkur kjúklingabringur í Tikka Masala og horfa svo á áhugaverðan þátt á RÚV, um stríðsárin á Íslandi.

Home alone

2005-08-02T22:53:00.000Z

Komin með nettan leiða á ungfrú Jolie og barni... þannig ég ákvað að skrifa e-ð nýtt! Enda er Stórholtið loksins orðið nettengt - nú verður gaman. Ég skrapp aðeins heim til m+p áðan, til að lita augabrúnir og augnhár Sigrúnar systur. Tókst bara þvílíkt vel, þó ég segi sjálf frá... setti tímamet og allt held ég.

Annars er ég bara ein heima, hanga á netinu og hafa það kósí. Kaupmaðurinn að vinna langt frameftir :(

Verslunarmannahelgin var fín - Innipúkinn stóð ágætlega fyrir sínu, en uppúr stóð BlondeRedhead, Jonathan (gaurinn sem syngur í There's something about Mary), Cat Power og að sjálfsögðu Donna Mess. En það eru þrjár gellur sem dansa við og syngja robot tónlist. Leiðinlegt var samt að missa af Úlpu, því að ég hef aldrei séð þá live... en vonandi bætir maður úr því sem fyrst!

En jæja, það má nú ekki skrifa of mikið hérna fyrir alheiminn...

þannig ég býð bara góða nótt

Luv Johnson

Hollywood

2005-07-28T10:59:00.000Z

Var að sjá myndir af litlu ættleiddu stelpunni hennar Angelinu Jolie... Já hún litla Zahara er svoldið kjútí, eins og sést ;)

Sunshine

2005-07-27T11:07:00.000Z

Halló halló

Nú er sko kominn tími á smá blogg! Það var geðveikt gaman hjá okkur Bylgju þegar við fórum upp Esjuna. Reyndar var þetta mun erfiðara og hættulegra en ég hélt... datt held ég 3x á leiðinni niður hehe. Meiddi mig reyndar ekki neitt sem betur fer :) Frekar fyndið samt að maður sá nokkra litla krakka á toppnum, meira að segja einn gaur sem var með ungabarn í svona burðarstól á bakinu! Svoldið skrítið að vera í cliffhanger fíling og heyra barnsgrát á sama tíma... Svo var líka hundur á toppnum! Jiii allt saman hið furðulegasta.

Annars er maður bara í sumarfíling - fúlt að vera í vinnunni auðvitað, við systurnar erum í staðinn duglegar að fara í sund beint eftir vinnuna og liggja þar í leti í sólinni :) Ég er komin með smá bikini far og allt :þ Verst að ástmaður minn er alltaf að vinna langt fram á kvöld og kemur svo dauðþreyttur heim - voða lítið hægt að gera saman :( En við reynum þá í staðinn að gera eitthvað sniðugt um helgar. Erum t.d. að fara á Innipúkann næstu helgi! Það ætti að vera stuð ;)

Svo er útigrill og ís á boðstólum í vinnunni. Matseðlinum var óvænt breytt vegna veðurs, jibbý! þannig ég get ekki beðið eftir mat!

L8ter

Esjan klifin - loksins!

2005-07-19T15:36:00.000Z

Halló Heimur
Þá er maður að fara að stíga sín fyrstu skref á Esjuna góðu! :) Ég og Bylgja ætlum að fara strax eftir vinnu, taka með okkur nesti og þramma upp Esjuna. Tilhlökkunin er bara frekar mikil, yndislegt veður og allt bara fullkomið!

Til hamingju Sigrún mín!

2005-07-15T10:42:00.000Z

Sigrún systir mín á afmæli í dag :) Hún er 29 ára og því er mikið tilefni að fagna! Manni er boðið í kræsingar eftir vinnu, og má búast við að éta yfir sig af góðgætum :þ
En elsku Sigrún mín, til hamingju með daginn! Vonandi áttu góðan dag og ég hlakka til að knúsa þig á eftir*

Sigrún Johnson 29 ára

Antony & The Johnsons

2005-07-11T12:46:00.000Z

Hello
Planið í kvöld er að fara á tónleika með Antony and The Johnsons. Þeir eru haldnir á Nasa og Hudson Wayne hita upp. A&J eru snillingar, og er ég búin að hlusta á nýja diskinn þeirra "I am a bird now" alla helgina ;) Já ég mæli með þessum disk, yndislegur!

Frá því að tónlistarmaðurinn Antony kom fram á sjónarsviðið fyrir réttum 8 árum hefur hróður hans farið ört vaxandi. Á þessu ári hefur hann tekið mikið stökk en í febrúar kom hljómplatan I´m a bird now sem gagnrýnendur hafa keppst við að hefja upp til skýjanna. Það verður bara að hlusta til að trúa því orð fá engan veginn lýst fegurð þessa söngfugls, snilld þessarar plötu.Tónleikar Antony and The Johnsons þykja sannkallað augna- og eyrnakonfekt. Það verður líka að teljast fagnaðarefni að listamaður sem er að klífa upp á stjörnuhimininn skuli koma til Íslands á leið sinni þangað

Fyrst fer maður reyndar í klippingu, hlakka smá til þess. Svo ætlum við að elda nautahakk og svo fara á tónleikana :) Þannig að fullkomnari verða mánudagarnir ekki! (",)

L8ter

Helgin að koma :)

2005-07-08T11:13:00.000Z

Ég vaknaði í nótt við það að dyrabjallan hringdi. Klukkan var 04:26 og mér brá rosalega, var frekar rugluð líka því ég hélt að Brandur hefði gleymt lyklunum. En sú hugsun stoppaði stutt hjá mér, því að Brandur var að vinna upp í sveit í gær og þurfti að gista þar :S Ég auðvitað þorði ekkert að opna, enda veit maður aldrei hvað getur gerst þessa dagana... Ég leit út um gluggann og sá stóran rauðan leigubíl. Hélt í smá stund að systir hans Brands hefði verið að koma heim af djammi - en þá voru skórnir hennar heima og hún sofandi. Þá sá ég að þetta hafði verið leigubílstjórinn sjálfur sem dinglaði bjöllunni, hann var snöggur að fara upp í bílinn aftur og bakkaði í flýti. Hann hefur ætlað að pikka upp manninn sem býr hinum megin í húsinu... Ég náði þó númerinu á bílskrattanum og nafninu á leigubílastöðinni - þannig mitt fyrsta verk eftir hádegismat verður að hringja þangað og kvarta yfir þessum bílstjóra! Ég meina hver dinglar bara án þess að vera viss hvar á að dingla, um hánótt og vekur saklaust fólk?!!
Glóulingur kveður - illa sofin en þó sátt við að það sé flöskudagur :)

2005-07-06T21:12:00.000Z

Halló

Úfff núna er mikið að gera í vinnunni... 2 stelpur farnar í sumarfrí og ég eiginlega að leysa af fyrir báðar :s Þannig það er ekki mikið um blogg hjá mér núna. Eina góða við það er að nú flýgur dagurinn áfram :) ekki verra að vera komin heim áður en maður veit af :P

Annars fórum við Brandur á Skóga um helgina, reyndar bara í eina nótt - en það var svaka stuð. Lögðum af stað seinni parts laugardags (því ég var að passa mína ástkæru frænku Eyrúnu Öldu :)) Tjölduðum, grilluðum og drukkum Víking gylltan :) Lögðum svo af stað fyrir kl. 11, því að við vöknuðum við það að tjaldið var að fjúka... vorum reyndar um 6 klst á leiðinni sökum ástands á liðinu - en venjulega ætti þetta að taka 2 tíma ;)

Fyrirsögn

2005-06-27T15:07:00.000Z

Halló Heimur. Ég bara trúi ekki hvað sumarið líður hratt... júní bara að verða búinn :S Stórholtið er alveg að verða tilbúið, erum búin að fá allt innbúið, nema eitt skrifborð og eftir að tengja þvottavélina. Scheize hvað er erfitt að vera þvottavéla laus - eins gott að maður keypti svona mörg föt úti í USA ;) Þannig ég býst fastlega við því að við Brandur eigum eftir að hafa eina góða þvottaviku um leið og búið er að tengja :)

Núna er bara klukkutími eftir af vinnudeginum. Planið er svo að fara í Espigerði að lita Sigrúnu sys. Svo nær Kaupmaðurinn í mig og við ætlum að fara í IKEA og Bónus að versla í matinn. Jafnvel að við eldum í fyrsta skipti í kvöld - Brandur á nú eftir að sanna sig sem kokkur, hef bara heyrt sögurnar sko :)

Svo er ég búin að ákveða að salta aðeins handboltann - held að ég meiki ekki svona mikið æfingaprógram með masternum, sérstaklega ef ég vil eiga smá líf með. Veit að það er allt hægt ef viljinn er fyrir hendi og allt svoleiðis crap - en held að viljinn minn sé bara ekki nógu mikið fyrir hendinni ;)

Til lukku Spurs!

2005-06-24T12:32:00.000Z

Þá er bara enn eina ferðina kominn föstudagur... Fór í vinnuferð í gær. Fórum m.a. í hvalaskoðun og sjóstangveiði á snekkju sem heitir Elding II. Við sigldum alveg í rúma 3 tíma, því við sigldum alveg frá Reykjavíkurhöfn að Sandgerði og svo aðeins til baka og fórum að landi í Keflavík. Það var ekkert voða gott í sjóinn, þvílíkur öldugangur. Enda varð ég hálf sjóveik, en um leið og ég stóð efst á bátnum og "surfaði" með öldunum þá leið mér betur. Tveir ældu og mörgum var bumbult í mallanum, en þetta var samt massa gaman hihi.

Svo horfði ég á úrslitaleik NBA í gærnótt, úfff varð nú smá þreytt - en rosa gaman að hafa séð leikinn! Spennandi leikur sem endaði með sigri Spurs :) Svo er maður bara í vinnunni núna, fékk pizzu í hádegismat :þ og get ekki beðið eftir að komast heim og fara í helgarfrí! Jafnvel að maður leggji sig eftir vinnu ;)

Góða helgi!

Baby Hauksson

2005-06-21T09:24:00.000Z

Halló Heimur, nú er frekar langt síðan ég hef skrifað hérna. Svoldið leiðinlegt að hafa ekki Internetið heima hjá sér... En stórfréttir vikunnar eru þær að Helga Björg vinkona mín og Haukur kærastinn hennar eignuðust 18 marka son þann 19.júní! Hjartanlega til hamingju með það! :) Það verður nú gaman að kíkja á stráklinginn, vonandi sem fyrst!

Mamma átti afmæli í gær!

2005-06-15T13:41:00.000Z

Halló halló
Gleymdi ég ekki bara að skrifa á afmælisdegi móður minnar! En mamma átti afmæli í gær :) Þá fórum við Alda til hennar strax eftir vinnu og létum hana fá pakka. Pakkinn var frá öllum hennar börnum og í pakkanum var úr. Til hamingju mamma mín!
Annars er maður bara frekar sáttur við tilveruna í dag, planið að fara í sund eftir vinnu með Öldu sys. Jafnvel að maður hitti Kaupmanninn líka í lauginni... það væri ekki slæmt ;) Svo er bara alveg að koma löng helgi, spurning hvort maður eigi ekki að skella sér á djammið??!

Nerd.....

2005-06-13T10:16:00.000Z

Komst að því um helgina að það var víst reunion hjá Hvassó um daginn. Ég var þar í 8.,9. og 10. bekk. Mér var ekki boðið... spá í því að bjóða ekki öllum í bekknum, hummm. Greinilega ekki vinsæla týpan í þeim bekk hehe ;)

Annars var helgin bara fín - Náði reyndar ekki að fara á sýninguna hennar Unnar - en ég bæti úr því fljótlega! Útskriftarpartýið hjá Öldu sys heppnaðist vel og flest allir yfirgáfu svæðið í annarlegu ástandi :)

Nú er bara 4 daga vinnuvika og held ég sé bara strax farin að hlakka til næstu helgi :þ

Vinnuvikan að vera búin :)

2005-06-10T11:22:00.000Z

Las það í DV í dag að dýralæknar í Moskvu hafa gert fyrstu kynskiptaaðgerð sögunnar á hundi, já ég segi það aftur hundi! Greyji hundurinn var víst að slást við annan hund sem beit undan honum gerseminar... Sagt var í fréttinni að læknarnir voru mannúðlegir að lóga honum ekki, heldur var hundurinn geltur, búin til á hann leggöng og sett smá silikon undir geirvörturnar á honum! Úffff!!!!!!!!!!!!! mannúðlegt, einmitt... :S

Svo fannst mér ein frétt frekar fyndin - en þar er hálfri blaðsíðu eytt í feitann knattspyrnumann sem raðar í sig hamborgurum og frönskum.... stórfrétt!! ;) Mig langar nú bara pínu í hamborgara eftir að hafa lesið þetta... kannski er þetta dulin auglýsing frá American Style??!!

Annars er bara fínt að frétta, mexican dagur í matsalnum og gulrótarkaka í eftirrétt :þ Á morgun er Alda sys að útskrifast og Unnur vinkona með opnunarsýningu á verkum sínum - mikil gleði framundan :)

Bið bara að heilsa í bili!

Flutt!

2005-06-06T09:22:00.000Z

Þá er ég búin að sofa 2 nætur í Stórholtinu, og bara svaka fínt! :) Tók líka risa skref í gær og bauð húsverðinum á gamla staðnum góðan daginn... held ég sé bara svona ánægð yfir því að fara :þ

Handboltinn að gera út af við þá gömlu - fékk bara massa í hnéin :S Það er svona að fara út að hlaupa í klukkutíma og svo lyfta lappir... svo á víst að vera Cooper test í dag - sé það ekki alveg fyrir mér gerast!

Annars er bara ný vinnuvika byrjuð og ég þarf víst að fara að vinna...

Fréttainnskot

2005-06-02T15:44:00.000Z

Íslenska kvennalandsliðið í körfuknattleik þurfti að sætta sig við tap gegn Lúxemborg, 48:57, í dag. Þetta var úrslitaleikur um fyrsta sætið og því er ljóst að stúlkurnar koma með silfur heim af leikunum.

1.júní :)

2005-06-01T09:11:00.000Z

Júní bara mættur á svæðið - welcommen! :) Brandur kom heim í gær, mikil gleði hjá Glóuling ;) Við fengum lyklana að Stórholtinu í gær og það verður byrjað að mála í dag! Óli, bróðir hans Brands á líka afmæli í dag, efast nú um að hann lesi bloggið mitt... en til hamingju samt sem áður ;)

Síðan komu Sigrún sys, Eyrún Alda og Kolbrún heim í morgun :) Leifur bara einn eftir í USA :( En það verður gaman að knúsa þær eftir vinnu :P

Svo erum við Valsstelpur að selja árskort hjá Iceland Spa & Fitness á 29.900 kall - eða 2.500 kr mánuðurinn - ekki mikið! Planið er nefnilega að fara í æfingaferð til Benedorm í lok ágúst og við verðum víst að safna fyrir því sjálfar... ;) Þetta virkar þannig að maður fær gjafabréf upp á árskort og ræður hvenær maður byrjar að nota það, sem er fínt fyrir þá sem eiga kort núna sem fer að klárast... Kortið gildir í öllum fjórum stöðvum, Baðhúsinu, Betrunarhúsinu, Sporthúsinu og Þrekhúsinu. Þú færð því aðgang að fjórum fullkomnum líkamsræktarstöðvum á verði einnar.

Baðhúsið býður konum á öllum aldri velkomnar í heilsulindina. Þar gefst kærkomin hvíld frá amstri hversdagsins í dekri og líkamsrækt.

Í Sporthúsinu er lögð áhersla á fjölbreytta íþróttaiðkun, á við körfubolta, fótbolta, skvass, tennis, golf, ásamt hefðbundinni starfsemi í líkamsræktarstöðvum og starfsemin sniðin að þörfum fjölskyldunnar.

Þrekhúsið og Betrunarhúsið eru hins vegar notalegar hverfisstöðvar þar sem lögð er rík áhersla á persónulega þjónustu.

Ef einhver vill fá sér svona kort - þá endilega commentið eða hringið í mig (617-6649) :)

Halló halló

2005-05-30T09:51:00.000Z

I feel like chicken tonight... úfff ég fór í ljós í gær, hef ekki farið í ljós endalaust lengi, plús að það voru nýjar perur! Við skulum samt segja að ég sé svona rauðbrún... ;)

Annars er ég bara í vinnunni - svaka stuð, útborgunardagur á leiðinni og allt (ekki að ég fái mikil laun þennan mánuðinn :S).

Ameríkumyndir

2005-05-29T18:41:00.000Z

Halló halló

Þá er allt að gerast! Alda og Siggi fóru til Andorra eldsnemma í morgun með basketfólki og ég fæ þá frið til að taka til í mínu dóti ;) Svo verð ég bara flutt út þegar þau koma til baka!

Ég er líka búin að setja inn Ameríkumyndirnar, úff hvað það tók langan tíma hehe

En er að fara fá mér kvöldmat, l8ter people...

p.s. Brandur kemur heim ekki á morgun, heldur hinn :)

Sunny day

2005-05-27T10:53:00.000Z

Halló halló
Þá er bara að koma helgi, það er ekki leiðinlegt! Ég tók þá ákvörðun í gær að hætta í Víking og fara aftur í Val. Planið er að fara á fyrstu æfinguna í dag, það er nú svoldið spennó - vona bara að ég sé ekki búin að missa allt þol... Svo verður bara að koma í ljós hvort ég meiki að vera í boltanum og í meistaranámi saman. En það er nú seinni tíma vandamál ;) Valur hefur nú alltaf verið mitt félag, þannig ég eiginlega verð að enda minn snilldar feril þar :þ

Á morgun er ég að fara í útskriftarkaffi til Unnar vinkonu, en hún er að að útskrifast úr grafískri hönnun í Listaháskólunum. Svo hringdi ég í Guðbrand í gær og hann er núna staddur í Brooklyn í New York. Hann kemur heim eldsnemma þriðjudaginn 31.maí - kemur beint til mín og vekur mig :)

Heima er bezt

2005-05-25T09:57:00.000Z

Jæja þá er ég mætt á klakann :) Ekki að það sé klaki úti, bara sól og sæla - en þetta er nú bara orðatiltæki, þannig enginn skaði skeður... Er rosalega þreytt - smá tímamismunavesen á mér, en það á nú að jafna sig fljótt ;)
Það var rosalega gaman úti, ætla að setja myndir inn fljótlega - bara í dag!
-
Helstu fréttirnar sem ég fékk þegar ég kom heim voru að Alda systir ætlar að flytja til Hollands með kærastanum ;) Þetta verður ekkert smá spennandi hjá þeim! Alda fer líklega aðeins á eftir honum út, eða um miðjan september. En á meðan búa þau saman í Blíðheimum þar sem að ég og Brandur erum að stinga af í Stórholtið :þ
-
Svo er Brandur bara væntanlegur heim eftir minna en viku - vá þá verður nú gaman :)

3 dagar eftir

2005-05-20T14:30:00.000Z

Halló halló
Úfff ég var að vakna, eftir smá síðsdegislúr... Litla 19 mánaða frænka mín svaf í rúminu við hliðina á mér ;)
Þessari Bandaríkjaferð er síðan bara bráðum að ljúka!! Það verður nú voða gott að koma heim, þó að það sé rosa gaman hérna. Það er bara alltaf gott að koma heim í rúmið sitt og allt sitt ;) Veit nú ekki alveg hvað planið er í kvöld - en ætli við borðum ekki bara e-ð gott saman og tjillum svo. Þarf líka að setja einhver lög á iPodinn minn svo að það verði stuð í bílnum hjá mér og sys á leið til DC :P
En jæja, við erum að fara eitthvað út núna... l8ter g8ter
kveð kl. 14:30 Baltimoretime - 18:30 á íslenskum tíma ;þ

Allt að gerast :þ

2005-05-17T17:40:00.000Z

Halló halló
Ennþá er ég í Bandaríkjunum og hef það rosa gott - eins og sést á myndinni (Ég og Eyrún að róla ;)

Við Sigrún systir erum búnar að ákveða að fara til Washington sunnudaginn 22.maí. Hlakka ekkert smá til að fara aftur í road-trip með stóru sys og sjá stórborg í leiðinni! Ætlum að leggja af stað í fyrra lagi til að hafa góðan tíma til að skoða okkur um í DC., t.d. hvíta húsið og Georgetown :þ Við erum búnar að panta hótelherbergi á mjög góðum stað og mjög ódýrt líka ($75 fyrir okkur báðar) Svo brummum við til Baltimore á mánudeginum, því að ég á flug heim kl.20:45 um kvöldið ;)
-
Þannig að núna á ég bara eftir 4 heila daga hérna í Blacksburg, skrítið hvað þetta líður hratt!
Well, bið bara að heilsa í bili - L8ter

Meiri fréttir frá USA

2005-05-14T22:56:00.000Z

Halló Heimur
Núna er ég ein heima hjá Sigrúnu og family. Sigrún og Kolbrún fóru að keyra Leif upp í skóla og Eyrún er úti að leika með vinkonu sinni og mömmu hennar ;) Ég og Sigrún fórum áðan á Starbucks og fengum okkur kaffi og beyglu - voða gott og kósí að fara bara tvær ;)
Við fórum öll saman í útskriftarveislu í gær en 3 íslendingar voru að útskrifast frá skólanum hérna. Það var voða gaman og gott að fá íslenskar kræsingar (grafinn lax, hraun- og æðibitar, rúgbrauð, heitur brauðréttur og fullt annað)
-
Ég talaði við Brand í gærkvöldi og hann sagði mér að hann komst inn í grafíska hönnun í Listaháskólanum :D Ekkert smá ánægð og stolt af honum :P Þannig við verðum bæði að skólast heima í Stórholtinu. Brandur er í San Fransisco núna, rosa stuð og mikið um að vera þar!
En jæja, stelpurnar voru að koma inn - þannig ég bara bið að heilsa :)

Blacksburg USA

2005-05-11T17:06:00.000Z

Halló Heimur

Núna er ég stödd inn í stofu hjá Sigrúnu systur. Eyrún Alda og Kolbrún eru hérna að leika sér og Sigrún að gera við gat á prinsessuvængjum sem ég gaf Eyrúnu þegar ég kom :)

Það er um 28°C og léttskýjað, voða flott! Við erum að fara í Food Lion (local búðin ;)) á eftir að kaupa í matinn og svona.

Annars var búið að vera svaka gaman hjá mér og Sigrúnu. Sigrún sótti mig upp á flugvöll á mánudagskvöld og við keyrðum uppá hótel (með smá pizzu stoppi og villtumst smá ;)) Vorum síðan bara inní hótelherbergi að tjatta og hafa það næs, enda báðar uppgefnar eftir ferðalagið (ég eftir flugferðina og Sigrún keyrði í 6 tíma til að ná í mig)

Síðan var vaknað frekar snemma, enda ég ennþá á íslenskum tíma og Sigrún vön að vakna svona snemma. Ferðinni var heitið í risa moll og þar var sko verslað endalaust hehe aðallega í H&M ;) Svo fórum við af stað til Blacksburg um kl. 18:30 og komum ekki heim fyrr en um miðnætti.

Svo hef ég mjög góðar fréttir - en ég komst inn í meistaranámið í HÍ :) Ekkert smá ánægð, því að það var met aðsókn! Get ekki beðið eftir að hringja í Brand á eftir (sem er staddur í San Fransisco núna) og segja honum fréttirnar og bara heyra í honum almennt ;)

Kveð kl. 17:06 á Blacksburg tíma, 21:06 á íslenskum tíma.

USA here I come

2005-05-08T13:25:00.000Z

Jahérna, þá er ég bara að fara til USA á morgun :) Búin að fara með mömmu að versla smá góðgæti fyrir Sigrúnu og family :þ Á morgun sækir Sigrún mig uppá flugvöll og við gistum á hóteli fyrstu nóttina, fáum okkur örugglega e-ð gott að borða og svona. Á þriðjudaginn förum við síðan í risa moll og ég reyni að versla eins og brjálæðingur og svo keyrum við heim til Blacksburg, en það tekur um 5 klst. Iss það verður bara svona road-trip fílingur hjá mér og sys ;)

En jæja er að reyna að fleygja ónothæfu dóti og pakka smá fyrir Stórholts-flutninginn svakalega ;) Þannig ég hef ekki tíma í að hafa langan pistil!

L8ter

Flöskudagur enn og aftur

2005-05-06T11:11:00.000Z

Mikið er gaman að það sé föstudagur! Síðasti vinnudagurinn minn áður en ég fer til Bandaríkjanna :)

Á miðvikudaginn fór ég á Kaffi Viktor að hitta gömlu THÍ skólafélagana. Nonni - einn góður skólafélagi, dró síðan nokkra með sér á Nasa þar sem að Jagúar voru að spila. En hann Nonni var mjög svo rausnarlegur að bjóða manni inn! Hitti þar Lafðina og deitið hennar - en svo stungu þau af án þess að maður tók eftir hihi. Fór síðan á Thorvaldsen (Hef aldrei áður stigið fæti þar inn - very bad staður!!) og endaði á 22 í pínku stund. Ég skemmti mér bara ótrúlega vel og var að langt fram á nótt ;) Alda yndissystir sótti síðan vitleysinginn um fimm leytið, en ég var búin að labba alveg að gatnamótum Snorrabrautar og Miklubrautar.

Á morgun fer ég á útskriftarsýningu nemenda myndlistardeildar og hönnunar- og arkitektúrdeildar Lhí. Unnur vinkona er nebblega að útskrifast frá hönnunardeild og er með 2 verk. Stelpan notaði mig í verkin sín, þannig það verður örugglega skrítið að sjá sjálfa sig upp á vegg hehe ;)

Svo er maður bara að fara til USA á mánudaginn!! Get ekki beðið! Hlakka líka endalaust til 30.maí þegar að Brandur minn kemur heim! Sakna hans fáránlega mikið :´(

Long live the Organization For The Organized!

2005-05-03T09:58:00.000Z

Já alltaf gaman að svona tilgangslausum prófum ;) Ég bara trúi ekki að MJ sé þarna á listanum hehe Annars fór ég í bíó í gær með Bylgju á myndina The Jacket, þvílíkt góð mynd! Vá er ennþá að hugsa um plottið, magnað. Ætla að reyna að kaupa hana á dvd í USA.... ef hún verður komin ;)

You scored as Paris Hilton. You are most like Paris Hilton (you have similar features not identical)

Paris Hilton

100%

Pamela Anderson

50%

Michael Jackson

50%

Ashlee Simpson

50%

Lindsay Lohan

44%

What Celebrity Could Be Your Twin!? (Awesome!!)
created with QuizFarm.com

USA

2005-05-02T16:10:00.000Z

Þá er kærastinn farinn til USA, eða er að fara í loft í skrifuðum orðum. Rosa ferðalag á þeim félögum, en þetta er u.þ.b. vegalengdin...

Örugglega þvílíkt gaman að fara í svona trip, þannig vonandi kemur hann heim reynslunni ríkari og deilir þessu með mér ;) Svo verður endalaust gaman að fá hann heim - þá verður sko drifið í því að koma Stórholtinu í gott stand og flutt inn!

Núna er ákkurat vika í að ég fari til USA til Sigrúnar sys og family :)

Jahérna...

2005-04-29T15:48:00.000Z

You Are 40% Normal

(Somewhat Normal)

While some of your behavior is quite normal...

Other things you do are downright strange

You've got a little of your freak going on

But you mostly keep your weirdness to yourself

How Normal Are You?

Flöskudagur

2005-04-29T11:40:00.000Z

Halló Heimur

Er bara í vinnunni - það fer alveg að koma hádegismatur... hummm það eru pylsur með öllu og grænmetissúpa. Verst að ég á ekki klink til að kaupa mér kók :S Æ vatn er miklu betra... er það ekki ;)

Annars er maður á leiðinni á uppskeruhátíð handknattleiksdeildar Víkings í kvöld! Fæ að taka makann með, þannig þetta getur ekki klikkað :þ Það á að vera fínn matur og frír bjór, svaka stuð í Víkinni!

Well, that's it for now - Góða helgi!

Stórholt 26

2005-04-27T10:41:00.000Z

Helstu fréttir dagsins eru að ég og Brandur erum að fara að búa :) Við ætlum að leigja íbúð í Stórholti 26, fórum að skoða hana í gær. Íbúðin er á efri hæðinni og er bara frekar rúmgóð - alla vegna fyrir okkur tvö! Það er sameiginlegur inngangur með neðri hæðinni, samliggjandi stofa og borðstofa, (mjög skemmtilegur horngluggi á borðstofu sem snýr út að garði ;), eitt svefnherbergi, lítið baðherbergi og eldhús. Svo er sameiginlegt þvottahús í kjallara sem við deilum með gömlu konunni á neðri hæðinni. Gamla konan heitir dúllulegasta nafni sem ég hef heyrt, Magnúsína (,") Staðsetningin er þvílíkt góð, alveg miðsvæðis og stutt í allt það helsta ;) Íbúðin er ekkert smá sæt, og verður ennþá flottari þegar búið er að mála og alls konar. Við flytjum inn strax í byrjun júní, því að Brandur verður náttúrulega úti allan maí og ég í 2 vikur.

Þannig að það er nóg að hlakka til þessa dagana, USA eftir 12 daga og ný íbúð eftir mánuð!

Saga helgarinnar

2005-04-25T12:48:00.000Z

Jahérna, þá er síðasta vika aprílmánaðar gengin í garð... ótrúlegt hvað tíminn flýgur!

Helgin fólst aðallega í rólegum stundum með kærastanum og vinum, þannig ég er bara frekar úthvíld og reiðubúin að takast á við verkefni vikunnar ;)

Á föstudaginn komu María og Helga til mín í mat, ég eldaði kjúklingarétt fyrir þær, sem ég held að hafi vakið ágætis lukku ;) .. vona ég híhí. Þær stöllur gáfu mér afmælisgjöf, rosa flott krem ("wake up" krem sem hentar mér örugglega príðisvel ;) og svaka flottar nærbuxur! úllalla :þ Seinna um kvöldið fórum við Brandur í bíó (erum voða mikið í bíó-pakkanum þessa dagana) en það kostaði bara 400 kr í bíó, þannig um að gera að nota það. :)

Á laugardaginn var sofið út og svo fór ég í Sporthúsið. Það var allsvakalega langt síðan ég fór síðast í Sporthúsið, núna er komið sjónvarp við hvert upphitunar/brennslutæki, geðveikt flott! Held ég verði að fara oftar þangað áður en kortið mitt rennur út!

Um kvöldið fórum við Brandur á opnunarsýningu hjá Ólafi, en hans sýning tók við af sýningunni hans Brands í Gel Gallerý. Þetta var frekar flott sýning - en samt ekki jafn flott og hjá Brandi! ;) Síðan fórum við í svakalegan mat hjá foreldrum Brands - úffff hvað þetta var gott; grillað svín, bakaðar kartöflur, salat og rauðvín með. Svo var bomba í eftirrétt, bökuð epli með marsipani, ís, súkkulaðisósa, toblerone, kaffi og Baileys. :þ

Á sunnudaginn var líka sofið út - en ekki hvað ;) Eyddi meirihluta dagsins með Bylgju minni og svo frekar snemma að sofa... þá er bara helgin mín komin í grófum dráttum!

Núna eru bara 2 vikur í að ég fari til USA :)

Svo átti hún Stella Thors 26 ára afmæli í gær, til lukku Stella mín! Þú færð link hjá mér í tilefni dagsins ;)

Gleðilegt sumar!

2005-04-22T10:40:00.000Z

Sommer of 2005 bara mætt á svæðið - Vona að það verði jafn gott veður og síðasta sumar ;)

Yndislegt að það sé föstudagur! Það er smá mánudagsfílingur í vinnunni.... en svo er bara helgin að koma, luuuvvlý!

Á miðvikudaginn hringdi Aldís María frænka í mig, og bað mig um að gera sér greiða. Hún er nefnilega á naglasnyrtifræðinámskeiði (eða hvað sem það nú heitir ;) og henni bráðvantaði einhverja til að setja neglur á. Auðvitað reddaði ég frænku minni, enda ekki oft sem maður hittir á kvikyndið híhí ;) Þannig að nú er ég með MASSA flottar neglur, jii minn veit varla hvernig ég á að haga mér, svona mikil dama :þ Eftir þrusu skemmtilegan tíma með Aldísi og naglafélögum þá brunaði Aldís með mig í Regnbogann, þar sem að ástmaður minn beið með bíómiða handa mér* Við fórum á myndina Melinda-Melinda eftir Woody Allen, ásamt tveimur félögum Brands (Hjalta og Gumma) Þetta var mjög skemmtileg mynd, mæli með henni! :)

Síðan vil ég óska Öldu og Sigga til hamingju með árangurinn í körfunni! Þau fóru á lokahóf KKÍ á miðvikudaginn og fengu fjöldan allan af verðlaunum. Alda var valin í úrvalslið ársins og fékk verðlaun fyrir bestu vítanýtingu. Síðan var Siggi valinn í úrvalslið ársins og var valinn besti leikmaðurinn í karlaflokki! Verð líka að monta mig af Signý "systur" minni en hún fékk verðlaun fyrir flest fráköst að meðaltali og flest varin skot að meðaltali! Til lukku þið þrjú!!

Óskar brósi fékk líka mjög svo verðskuldaða þakklætisgjöf frá körfunni, en hann fékk flugmiða á NBA leik :)

Lilli Stefánsson mættur á svæðið :)

2005-04-20T16:47:00.000Z

Silla vinkona mín úr Val eignaðist lítinn strák í nótt! Hann var 11 merkur og 48 cm á lengd og þeim mæðginum líður vel :)

Til hamingju Silla og Stebbi!!

Allt að gerast

2005-04-19T15:00:00.000Z

Jæja þá er afmælis brjálaðið búið í bili :) Ég fór með köku í vinnuna í dag og hún heppnaðist bara ótrúlega vel! Ég er greinilega betri kokkur en ég hélt hihi. Ein í vinnunni sagði meira að segja að þetta væri besta súkkulaðikaka sem hún hefur smakkað (,") jahérna! (smá mont sorrý ;))
.
Núna eru 13 dagar þar til að Brandur fer til USA. Hann fer 2.maí og kemur ekki heim fyrr en 31.maí... :( En það ætti nú að reddast því ég fer í heimsókn til Sigrúnar sys og family 9-24 maí ;) Verður samt skrítið að sjá ekki Brand í heilan mánuð :S
.
Svo er ég búin að sækja um MS nám í Markaðsfræði og alþjóðaviðskiptum í Háskóla Íslands. Er nú ekkert að gera mér of miklar vonir að komast inn... hringdi nefnilega áðan upp í HÍ og maður fær ekki að vita hvort maður kemst inn fyrr en í lok maí. Þau eru svona lengi að fara yfir umsóknirnar því það voru svo margir sem sóttu um :/ Vonum bara það besta ;)
.
Í kvöld er ég að fara leyfa Unni vinkonu taka myndir af mér á nærfötunum... Hún ætlar að taka myndir af þremur stúlkum ,ljós-, dökk- og rauðhærðum, í svona gamaldags nærfötum (Pinup). Þetta er fyrir lokaverkefnið hennar í LHÍ ;) Hún á síðan eftir að fikta í myndunum, breyta og bæta við, þannig þetta verður spennó :) Ég verð ljóskan, Bylgja vinkona dökkhærða babe-ið og er ekki alveg viss hver verður í hlutverki rauðhærðu gellunnar...

Alda 26

2005-04-18T10:28:00.000Z

Alda systir á afmæli í dag! Til hamingju ástarhnoðrinn minn :)

Hún á afmæli í dag, hún á afmæli í dag,

hún á afmæli hún Alda

Hún á afmæli í dag!

25 ára

2005-04-17T13:33:00.000Z

Ég á afmæli í dag :)

Þessi mynd var tekin í gær á Prikinu, við vorum kosin afmælisbörn mánaðarins ;)
Hey já svo er fullt af nýjum myndum komnar inn :)

Helgin mætt

2005-04-15T15:53:00.000Z

Þá er helgin bara komin! Ég fór í klippingu og litun á fimmtudaginn, svaka klipping... og er orðin meiri blondína ;) Afmælisteitið mitt svo á morgun, það ætti nú að vera stuð! Vona ég :þ Svo ætlar mamma að hafa kökuboð fyrir fjölskylduna á sunnudaginn - svona sameiginlegt fyrir mig og Öldu - Eins og svo oft áður ;)
Annars er ég bara í góðum fíling, er að fara á æfingu í kvöld - það á víst að vera gleði æfing, bara fótbolti, brennó og kíló jibbý!
Góða helgi!!

Misheppnað rán...

2005-04-13T16:03:00.000Z

Já annars er ég bara í vinnunni að fá mér kaffi og súkkulaði.... og vinna auðvitað ;) Engin æfing í kvöld - kannski ég fari út að hlaupa, það er svo gott veður :) Eða ekki... hver veit!

Magnaðar maskínur

2005-04-12T16:20:00.000Z

Það er sýning hérna í vinnunni hjá mér sem er þvílíkt flott. Þessi gaur, sem er bandarískur listamaður, býr til tæki sem er varla hægt að útskýra. Ég fór á fyrirlestur um sýninguna í gær og þetta eru massa flott tæki! Maðurinn er með þvílíkt ímyndunarafl! Annars er umfjöllun um þetta hérna.

Svo er þessi sami listamaður að gera eitt risa tæki í sýningarsalnum með fullt af skólakrökkum. Ég fór þangað í dag og var að fylgjast með krökkunum og reyndi að hjálpa aðeins til. Fer líklega aftur á morgun víííí - Yndislegt að fá svona tilbreytingu í vinnunni :) En risa tækið á að fara í gang á afmælisdeginum mínum - þannig ég verð að sjá til hvort ég kíki eða ekki... En ég mæli með þessu! ;)

Úffff, erfitt að vakna í morgun...

2005-04-11T15:25:00.000Z

Í gærkvöld fór ég á kvikmyndahátíðina, á mynd sem heitir Ett Hål i mitt hjärta. Við fórum nokkur saman, ég, Brandur, Hjalti, Andri og Linda... allt fólk sem Brandur þekkir ;) Hefði nú alveg viljað hitta þetta fólk við annað tækifæri - því að við vorum eiginlega bara kjaftstopp og í smá sjokki eftir myndina! Þetta var HRÆÐILEG mynd! Já vildi að ég hefði aldrei séð hana... viðbjóðsleg, grútleiðinleg og mér leið illa að horfa á... Hér er smá umsögn um myndina:

Lukas Moodysson á að baki myndir sem vakið hafa mikla athygli hér á landi: Fucking Amal, Tilsammens og Lilja 4-ever og þykir einn athyglisverðasti leikstjóri samtímans. Þessi nýja kvikmynd hans sómir sér vel í Miðnæturflokknum, því hún er alls ekki fyrir viðkvæma og hefur hneykslað fjölmarga.
Hér er sagt frá fjórum utangarðsmennskjum sem kúldrast í lítilli blokkaríbúð en ákveða að leiðin til að slá í gegn og verða rík og fræg sé að búa til heimagerða klámmynd. Með hjálp ýmissa eiturlyfja fer allt saman smám saman úr skorðum og það sem við blasir á tjaldinu er alls ekki fyrir óharðnaða áhorfendur.

ANYWHO... nóg diss í dag :) Tók eftir mjög skemmtilegum hlut í mogganum í dag, tékk it out! Svo á Vala í vinnunni afmæli í dag :) Til hamingju! Hún Vala kom með risa súkkulaðiköku í vinnunna og bjargaði þar með mánudeginum gjörsamlega ;)

2005-04-10T19:06:00.000Z

Þá er kominn sunnudagur. Helgin er búin að vera stórfín hjá mér.

Á föstudagskvöldið kom Bylgja til mín og við vorum bara heima í Blíðheimum :) Ótrúlega gaman hjá okkur - drukkum breezer og bjór, horfðum á U2 tónleika (ég á gamla spólu sko ;)) og tjöttuðum um allt og ekkert til að verða 6!! Þetta var snilld :þ
Laugardagskvöldinu var deilt með Brand :) Við horfðum á nokkra Lost þætti (þvílíkt spennandi þættir úfff!) og svo á myndina Ray... þrælgóð mynd! Fengum okkur nokkra eðal tékkneska Budweisera, voða kósí*
Í dag fór ég í fermingaveislu til Önnu frænku, rosalegar veitingar :P Var stanslaust borðandi frá 14 - 16:30... forréttur, aðalréttur og eftirréttur! Svo er ég núna að fara að taka smá til og ætla að elda fyrir Brand :) Nota tækifærið meðan Alda og Siggi eru á Stykkishólmi híhí

Lost and found

2005-04-06T09:58:00.000Z

Ég er rosalega lost í lífinu þessa dagana... fór í áhugasviðspróf um daginn og það kom í ljós að ég hef takmarkaðan áhuga á ÖLLU.... Held að ég sé að ofhugsa þetta líka (kemur á óvart...uuuu nei) , þannig ég er orðin ennþá ringlaðari :S En kæra fólk sem þekkir mig... eru þið með einhverjar hugmyndir? Ef ég fer back to school.....hvað á maður þá að læra??? Er opin fyrir grunnnámi, framhaldsnámi, verknámi, öllu námi! Allar hugmyndir verða grandskoðaðar og metnar eftir bestu getu! ;)

Úti er alltaf að snjóa....

2005-04-05T13:53:00.000Z

Jæja kominn tími til að steypa eitthvað hérna á Glóuling.... er það ekki. Það var æfing í gær... sú fyrsta eftir að við duttum út úr keppni. Við vorum í fótbolta allan tímann og mér fannst það voða gaman :) Mitt lið (eldri - já maður er víst í eldri helmingnum :S) vann að sjálfsögðu! ;) Svo er frí í dag og á morgun - ágætt að fá smá frí.

Svo verð ég að hrósa Snæfellingum fyrir að jafna metin á móti Keflavík í Intersportdeildinni í basket. Ég varð sjálfkrafa stuðningsmaður Snæfells þegar Alda sys fékk sér eitt stykki ástmann úr liðinu ;) Siggi stóð sig líka rosa vel... hér kemur kvót úr Fréttablaðinu: "Þegar hálf mínúta var eftir skoraði Sigurður Þorvaldsson þriggja stiga körfu og breytti stöðunni í 95-93." Ég segir bara til lukku Snæfell!

Svo er planið að halda upp á afmælið mitt þann 16.apríl, sökum þess að 17.apríl lendir á sunnudegi þetta árið. Úfff maður er víst að verða 25 ára! Ég er búin að panta efri hæðina á Prikinu og mun ég senda mail á mitt fólk og bjóða formlega í partý on the Stick! :þ Það verður allt löðrandi í bjór og nöktum líkömum!!

Sumarfrí - samt snjór

2005-04-02T18:29:00.000Z

Halló Heimur

Þá er ég bara komin í frí frá handboltanum :( Leikurinn við ÍBV var frekar slæmur - en ég nenni ekki að væla um það hérna :S

Gærkvöldið var yndislegt, eyddi því að sjálfsögðu með afmælisstráknum ;) Við kíktum m.a. á sýninguna hans. Þetta er svaka flott sýning og Brandur er búinn að fá mikið hrós. Hann er búinn að selja meira en helminginn af verkunum, sem verður að teljast svakalega gott á 2 dögum!! Sýningin er í Gallery Gel sem er á Hverfisgötu 37 (horni Klapparstígs og Hverfisgötu) og er alveg til 20. apríl. Hvet alla til að kíkja!

Annars er planið að fá sér ófáa öllara í kvöld - drekka sínum sorgum býst ég við... ætlum að hittast nokkrar heima hjá mér. Sem minnir mig á það að ég þarf að fara að taka mig til ;)

L8ter

Brandur 23

2005-04-01T20:42:00.000Z

Ástmaður minn Guðbrandur Kaupmaður á afmæli í dag :)

Annars er það að frétta að við töpuðum í gær á móti ÍBV... ég veit ekki hvað er leiðinlegra en að fara til Vestmannaeyja að keppa og tapa! :( En þá er bara um að gera að peppa sig upp fyrir leikinn á laugardaginn! Leikurinn verður skilst mér á RÚV - en ég mæli samt með því að koma og hvetja okkur í Víkinni. Því ef við töpum þá er bara sumarfrí takk fyrir okkur :/

Frílok

2005-03-29T13:22:00.000Z

Þá er páskafríið búið og vinnan tekin við á ný. Ég hafði það voða gott um páskana - fyrir utan hryllilegar morgunæfingar í handboltanum... en ég er nú að jafna mig á því ;) Núna eru bara 3 dagar í að sýningin hans Brands opni og mér sýnist þetta ætla verða rosa flott hjá honum. Hlakka þvílíkt til að sjá sýninguna - samt ömurlegt að ég missi líklega af opnuninni, því að það er fyrsti leikur í 8.liða úrslitum sama kvöld (31.mars) Ég er samt búin að biðja um óveður svo að það verði ófært til Eyja ;) Annars verð ég bara að koma seinna - en sýningin stendur alveg í 3 vikur.

En jæja, skrifa meira síðar - vinnan kallar

L8ter

Páskafrí!

2005-03-23T15:51:00.000Z

Jæja þá er maður alveg að komast í páskafrí :) Skrítið að vera í fríi án þess að þurfa gera nokkurn skapaðann hlut... því venjulega hefur maður þurft að læra og vinna upp verkefni.

Núna er u.þ.b. 1 og 1/2 mánuður í að ég fari til USA til Sigrúnar sys og family...hlakka rosalega til að hitta þau og auðvitað líka sjá USA og versla ;) Hérna eru litlu frænkulingarnir mínir - elska þessa mynd af þeim!

Ég er búin að kaupa mér Rís-páskaegg nr.9 nammi namm :þ Gjörsamlega missti mig í Bónus... keypti nebblega líka Quality Street, Apollo lakkrís, Mars, snakk, pepsí max, coca cola, Haribo hlaup og ís ;) En ég held nú að ég fái hjálp við að borða þetta.... vonandi :)

Morgundagurinn verður svakalegur, því að þá er hvorki vinna né handboltaæfing! Spurning hvað maður gerir af sér... það verður allavegna pottþétt sofið út :D

2005-03-22T10:39:00.000Z

Well - hef álíka mikið að segja og þessir tveir... en þið megið endilega segja mér e-ð skemmtilegt í commenta dálknum ;)